મેં એક સપનું જોયું’તુ – Gujarati Poetry

ધોમ ધખતા તડકે, મેં એક સપનું જોયું’તુ!

બંધ પાંપણની પાંખે, એક સપનું ઉડ્યું’તુ!!

ગયું આભલીએ ગામ ને, ગામ એને ગમી ગયું

દાદા, મામા મળી ગયા ને, એ લઇ ગ્યા તારલીયે બાગ

રમ્યું સંતાકુકડી બહુ જ, વાદળિયું ની વચ્ચે

રમતાં – રમતાં મળી ગયું મેઘધનુષી મિત્ર

સતરંગે રંગાયું એના થઇ ગયું રંગીન

ધોધમાર વર્ષાએ પટકયું પાછું, એને જ્યાંનું ત્યાં

રોકાયું ના ત્યાં, જોયું’તુ મેં જ્યાં-

થઇ ને ખારું ઉસ, વહી ગયું…વહી ગયું.

ધોમ ધખતા તડકે, મેં એક સપનું જોયું’તુ!

બંધ પાંપણની પાંખે જે સપનું ઉડ્યું’તુ!!