મૂડ નથી! – Gujarati Poetry
આજના પોરીયા તોબા જેવા, કે’તા મોં મચકોડી-
આજે મૂડ નથી, સાવ મૂડ નથી!!
કે’તી મમ્મી, મોલમાં જઈને-
લાવ લોટ, ખાંડ ને પાંવ
પણ,
મૂડ નથી, મમ્મી મૂડ નથી!!
સ્માર્ટ ફોન ખોલે સ્કૂલમાં જઈને-
રમે “ઈન્સ્ટાગ્રામ” નાં દાવ
તોયે,
મૂડ નથી, હજી મૂડ નથી!!
પપ્પા બિચારા, ટિફિન જમે ને-
તમે પિઝા-પાસ્તા ખાવ
અને
મૂડ નથી, હજી મૂડ નથી??
રઝળે – ભટકે મિત્રો લઈને,
માંદો થાતો ઘેર આવીને,
એને ચઢતો ટાઢીયો તાવ
એ’લા મૂડ નથી!
તને મૂડ નથી?