ધિંગાણું – Gujarati Poetry

જીવતરનાં આ ધિંગાણામાં; તાણીને તલવાર,

રાહ જુએ છે લડવૈયાની, કૈ’યુંનો કિરતાર.

પણ,

દીન-દુખિયા ને ગભરુ-કાયર; મચાવે હાહાકાર,

“કર મદદ” ને “ ઝાલ હાથ “ નો કરતાં એ પોકાર,

મૂંઝાયેલો “નાથ” તપાસે, હાય! દિશાઓ ચાર,

કોને કહે?- ઉઠ ચાલ ને લડવા, થઈ જા તું તૈયાર.

મેં પૂછ્યું, ઊતરેલું મોં કાં? શીદને કરો વિચાર?

હું કેવો “માણસ” બેઠો છું, ચિંતા છોડો, યાર!!

એ જ ઘડીએ ઊભા થઈને, કાઢી મેં તલવાર.

બસ, લડવું છે કોને પરવાહ?

હોય તેજ કે બૂઠ્ઠી ધાર!